ད་ལྟ་འཛམ་གླིང་གིས་བོད་མི་ཤེས་པའི་སེམས་ཁྲལ་མེད་མོད། བོད་པས་བོད་མི་ཤེས་པའི་དཀའ་ཁག་དང་གནད་དོན་མང་བོར་འཕྲད་ཀྱིན་ཡོད།                     ལྡོང་ཡོན་ཏན་རྒྱ་མཚོས།          ༢༠༡༧-༡༡-༣༠

    འཕེལ་རྒྱས་དང་སྔོན་ཐོན་ཟེར་བ་དེ་བསྒྲུབས་ནས་མངོན་འགྱུར་བྱེད་དགོས་པ་དང་སོང་ནས་ཐོན་དགོས་{གོམ་བགྲོད་གཅིག་བུར་གོ་མི་རུང་།}པ་ཞིག་ལས། བྲིས་ནས་འགྲུབ་འགྲོ་བ་དང་བཤད་ནས་རྙེད་འོང་བ་ཞིག་མ་རེད། དཔེ་ཞིག་གིས་བརྗོད་ན། མེ་ཏོག་སྐྱེ་སྐྱེ་དང་ཆར་བ་འབབ་འབབ་བྱེད་རྒྱུ་ཞིག་ལར་ནས་མེད་དོ།།                            ལྡོང་ཡོན་ཏན་རྒྱ་མཚོས།                               ༢༠༡༧-༡༡-༢༤

  སྤྱི་ཚོགས་ཆུང་ཆུང་སྤར་མོ་འདྲ་ཞིག་གི་ནང་དུ། རྙོག་དྲ་མང་བོ་རྒྱ་མཚོ་འདྲ་ཞིག་འཕྱུར་གྱིན་འདུག་ཟེར་ན་ཁྱོད་ཡིད་ཨེ་ཆེས། མི་ཆེས་ན་དེ་ནི་སྒང་བ་བོད་པར་གྲགས་པའི་འུ་ཚང་རེད།                            ལྡོང་ཡོན་ཏན་རྒྱ་མཚོས།                            ༢༠༡༧-༡༡-༡༧

    སྔོན་མི་ཞིག་གིས། བོད་ཟེར་བ་འདི་ཡུན་རིང་བོར་དར་རྒྱས་སུ་འགྲོ་མི་ཐུབ།  རྒྱུ་མཚན། བོད་པ་ཁོ་རང་ཚོ་ནང་ཕན་ཚུན་བར་ཕྲག་དོག་ཧ་ཅང་ཆེ་བས།   ནང་ཕན་ཚུན་བར་འཐེན་འཁྱེར་བྱེད་བཞིན་ཤི་འགྲོ།  ཞེས་བཤད་སྐད།   དོན་ངོ་མར་དེ་འདྲ་ཞིག་བཤད་ཡོད་མེད་མི་ཤེས་མོད།  སྐད་ཆ་དེས་བསྟན་དོན་ནི་ཇི་མ་ཇི་བཞིན་དུ་ཚང་འདུག་པས།     ད་བསམ་ཤེས་ཤིག་བྱེད་མ་ཐུབ་ན། ང་ཚོར་མི་རིགས་འཇིག་ཉེན་ཟེར་བ་དེས་ཁ་གདངས་མིག་ཅེར་བྱས་ནས་སྒུག་འདུག་ཨང་།                        ལྡོང་ཡོན་ཏན་རྒྱ་མཚོས།                        ༢༠༡༧-༡༡-༡༤