ལྡོང་ཡོན་ཏན་རྒྱ་མཚོའི་དྲ་བ།

ལྷུག་རྩོམ།

སེམས་པའི་འཕར་ལྡིང་ལས་ཐོན་པའི་སྒྲ་དབྱངས།

 རྒྱལ་སྤྱིའི་དགེ་རྒན་དུས་ཆེན་ལ་ཕུལ། དུས་དེ་རིང་།  ལེགས་ཚོགས་ཀྱི་རྩ་བར་གྲུབ་པའི་བཤེས་གཉེན་རྣམ་པའི་སྐུ་དྲིན་དྲན་འོས་པའི་ཉི་མ་རེད།  དུས་དེ་རིང་།  མ་རིག་མུན་པ་སེལ་བའི་སློབ་དཔོན་ཚོའི་ཆེ་བ་བརྗོད་དགོས་པའི་ཉི་མ་རེད།  དུས་དེ་རིང་། རྣམ་ཤེས་ཀྱི་བཟོ་བསྐྲུན་པར་གྱུར་བའི་དགེ་རྒན་དག་གི་གཟི་བརྗིད་ངོམ་ཆོག་ཆོག་གི་ཉི་མ་རེད།   དུས་དེ་རིང་། གངས་ལྗོངས་ཀྱི་སློབ་གསོ་བ་མང་བོ་དགྱེས་འཛོམས་བྱུང་བའི་ཉི་མ་རེད།

ཁྱོད་ཀྱིས་གནས་ལུགས་ཁས་ལེན་ནམ།

ཁྱོད་ཀྱིས་གནས་ལུགས་ཁས་ལེན་ནམ། ཁྱོད་དྲང་བདེན་ལ་དགའ་འམ། གལ་སྲིད་ཁྱོད་གནས་ལུགས་དང་དྲང་བདེན་ལ་བློ་མོས་ཡོད་པའི་དཔྱོད་ལྡན་ཞིག་ ཡིན་ཚེ་ངེས་པར་དུ་ལས་དབང་ལ་ཡིད་ཆེས་ཡོད་པར་འགྱུར་ཏེ། ལས་དབང་ནི་མ་གཞི་ནས་སླད་མ་འདྲེས་པའི་གནས་ལུགས་ཤིག་དང་། རྟོག་བཏགས་མ་ཡིན་པའི་དྲང་བདེན་ཞིག་ཡིན། —ཁ་བྱང་གི་འགྲེལ། ལས་དབང་གི་རླུང་རྩེར་བསྐྱོན་པའི་དགེ་སྦྱོང་ང་རང་། ལས་དབང་གིས་གྲུབ་པའི་ཤར་མཐའི་གྲོང་ཁྱེར་ལ་ཐོལ་གྱིས་བབས་ཚེ། ལས་དབང་ལ་དུང་ཞིང་ལས་དབང་གིས་བོས་པའི་ཁྱོད་རང་དགའ་འཛུམ་གྱི་ལེར། མཉེན་ལྡེམ་གྱི་ལག་པས་ང་ལ་འབོད་བརྡ་གཏོང་གཞིན། མི་ཚོགས་རྒྱ་མཚོ་ནས་འཕྱུར་བའི་རླབས་རྩེ་ནས་མཐོང་བྱུང་།  ཐོག་མའི་མཇལ་འཛོམས་ནི་ཆེས་སྤྱིར་བཏང་བ་ཞིག་ཡིན་མོད་།  ལྡོག་མེད་ལས་དབང་