ལྡོང་ཡོན་ཏན་རྒྱ་མཚོའི་དྲ་བ།

ཚིགས་བཅད་སྙན་རྩོམ།

འཇམ་མགོན་ས་སྐྱ་པཎ་ཆེན།

འཇམ་མགོན་ས་སྐྱ་པཎ་ཆེན།

འཇམ་མགོན་ས་སྐྱ་པཎ་ཆེན། ལྡོང་ཡོན་ཏན་རྒྱ་མཚོ། མཐོན་པོ་གངས་རིའི་མར་གཤམ་ཞིག་ཏུ།། དམའ་མོ་གཡུ་མཚོའི་ཉེ་འགྲམ་དེ་རུ།། འཇམ་དབྱངས་བྱིས་པའི་ཟོལ་དུ་བརྫུས་པའི།། ངོ་མཚར་ཁྱེའུ་དཔལ་ལྡན་དོན་གྲུབ།། འོད་གསལ་ལྷ་མཆོག་བདུད་རྩིའི་ཟེར་མ།། ཆེན་པོ་འཁོན་གྱི་གདུང་སྲས་དྭངས་མ།། མཁྱེན་པའི་ཉི་མ་འོད་དུ་འབར་ཞིང་།། ལེཊ་སྦྱར་དབྱངས་གསལ་ཐོགས་མེད་གསུང་བའི།། དཔལ་ཆེན་འོད་ཆེན་སྙིང་གི་ཐིག་ལེ།། ཡུམ་ཆེན་ཉི་ལྕམ་སྲས་མོའི་སེམས་རྟེན།། སྔོན་སྦྱངས་བག་ཆགས་ཁད་ཀྱིས་སད་ཅིང་།། བྱང་འཕགས་མཛད་སྤྱོད་ལྷུན་གྱིས་གྲུབ་མཛད།། ཕྱི་ནང་དེ་ཉིད་བཅུ་ཡི་མངའ་བདག ། རྗེ་བཙུན་གྲགས་པ་རྒྱལ་མཚན་དྲུང་དུ།། མདོ་སྔགས་ཟབ་གནད་ཕྲ་རགས་གསན་པའི།། ཐུགས་ཀྱི་སྲས་གཅིག་ཀུན་དགའ་རྒྱལ་མཚན།། མཁས་པའི་བྱ་བ་འཆད་རྩོད་རྩོམ་པར། ། འཇིགས་མེད་དཔའ་གདེངས་སྤོབས་པ་མཆོག་བརྙེས།། ལོག་ལྟའི་མུན་པ་འོད་དུ་སྒོམ་པའི།། ལྷོ་ཕྱོགས་དཔལ་རིའི་འདབས་ཀྱི་མགྲོན་པོ།། འཕྲོག་བྱེད་དགའ་བོའི་དཔུང་གི་དཀྱིལ་འཁོར།། ལུང་རིགས་མེ་ལྕེས་བར་མེད་བསྲེགས་པས།། སྨྲ་བ་ཟླ་མེད་རིགས་པའི་དབང་ཕྱུག ། རྒྱལ་བསྟན་སྲོག་གི་ཀྭ་བར་བཞེངས་ཡོད།། ཁ་ཆེའི་པཎ་ཆེན་སྟོན་འཁོར་དང་བཅས།། ཧི་མ་ལ་ཡའི་བཅུད་དུ་ཆགས་པས།། བཅུ་ཕྲག་རིག་པའི་ངོ་མཚར་མགུལ་རྒྱན།། ས་ཆེན་རྒྱལ་སྲས་ཁྱོད་ལ་དབང་ཞིང་།། གངས་ཅན་པཎ་ཆེན་ཐོག་མའི་མཚན་སྙན།། ལོ་རྒྱུས་རྡོ་རིང་ངོས་ན་གསལ་འདུག ། སྒྲ་སྙན་སྨན་རྩིས་ཟློས་གར་སྡེབ་སྦྱོར།། བཟོ་ཚད་མངོན་བརྗོད་མདོ་སྔགས་འཆད་ཉན།། གངས་རིའི་ལྗོངས་ན་ཉི་བཞིན་གསལ་མཛད།། རིག་བཅུའི་སྲོལ་འབྱེད་འཇམ་མགོན་བླ་མ།།…

བྱིན་རླབས་བདུད་རྩི་འཐུང་བའི་སྐལ་བཟང་།

བྱིན་རླབས་བདུད་རྩི་འཐུང་བའི་སྐལ་བཟང་།

གངས་ལྗོངས་ཐོན་མི་གཉིས་པ་རྗེ་བཙུན་དམུ་དགེ་བསམ་གཏན་རྒྱ་མཚོའི་གདུང་རུས་ཆ་ཚང་བཞུགས་པའི་མཆོད་རྟེན་དང་གཟིམ་ཁྲི་སོགས་ལ་མཇལ་བ། ལྡོང་ཡོན་ཏན་རྒྱ་མཚོ། བྱང་གངས་རིའི་ལྗོངས་ཀྱི་ཆོས་རིག་སྲིད།། དུང་ཉ་ཟླའི་དཔལ་ལ་འགོད་མཁས་པ།། རྗེ་བླ་མ་བསམ་གཏན་རྒྱ་མཚོ་མཁྱེན།། བུ་ང་རང་བྱམས་བརྩེའི་འོད་ཀྱིས་སྐྱོངས།། བོད་ཁ་བ་ཅན་གྱི་ཡར་རྒྱས་ཆེད།། སྐད་ཡི་གེ་རང་སྐྱོང་བྱེད་པའི་ཕྱིར།། སེང་དཀར་མོའི་ ་གད་རྒྱངས་མཐོ་བའི་རྗེ།། དུས་ད་ལྟ་ཞིང་ཁམས་གང་དུ་བཞུགས།། ཆོས་རིག་གནས་རྒྱ་ཆེན་མ་ཤེས་ཀྱང་།། ནང་དད་དམ་རི་མོ་མ་ཉམས་པའི།། མགོན་ཁྱེད་ཀྱི་གསུང་སྐྱེས་སློབ་བུ་བདག། ལས་བསོད་ནམས་ལྕགས་ཀྱུས་གནས་འདིར་དྲངས།། ས་དམུ་དགེའི་ཡུལ་ལུང་མཛེས་སྡུག་འབར།། དགོན་བཀྲ་ཤིས་འཁོར་ལོ་ལྷུན་གྱིས་ཆགས།། རྗེ་བླ་མའི་གཟིམ་ཁང་ཆོས་རིག་རྫོང་།། གཟི་མ་ཉམས་ལོ་རྒྱུས་དཔང་བོར་བརྗིད།། ལུས་གུས་པས་བརྐྱང་ཕྱག་ལན་གསུམ་འཚལ།། ངག་གཙང་མས་སྐུ་བསྟོད་ཚར་གསུམ་བཏོན།། ཡིད་དད་པས་ཚེ་རབས་རྗེས་འཛིན་ཞུས།། རྗེ་བླ་མའི་གསང་གསུམ་ཡོན་ཏན་དྲན། ། སྐུ་མི་བཞུགས་གཟིམ་ཁྲི་སྟོང་བའི་འགྲམ།། བསྲན་མི་བཟོད་དྲན་པ་འཐོར་ལ་ཁད།། ཞག་གཅིག་ལ་རྩེ་གཅིག་གསོལ་འདེབས་ཞུས།། ཐུགས་དགྱེས་པའི་རྟགས་མཚན་རེ་དགའ་བྱུང་།། སྐུའི་གདུང་རུས་ཆ་ཚང་བཞུགས་པའི་རྟེན།། རྗེ་ང་འདྲར་བརྗོད་འོས་སྐུ་བརྙན་དྲུང་།། ཡིད་གདུང་ཤུགས་དྲག་པོས་བླ་མ་བསྒོམས།། ཐུགས་བརྩེ་ཆེན་ཞགས་པས་མི་གཏོང་མཁྱེན།། སྐུའི་ནབ་བཟའ་དབང་ཆས་རྡོར་དྲིལ་སོགས།། བདག་བསོད་ནམས་རྟེན་དུ་ཐོབ་པ་འདིས།། དུས་ཚེ་རབས་ཕྲེང་བའི་འཁོར་ལོ་རུ། ། ཆོས་བདུད་རྩིས་གསོ་བའི་རྟེན་འབྲེལ་འགྲིག ། སྒོམ་ཉམས་བཞེས་གནང་སའི་བཞུགས་གདན་དང་།། གཞུང་གསར་རྩོམ་མཛད་སའི་ཁང་བཟང་དང་།།…

སེམས་པའི་ཨ་ལོང་སྦྲེལ་དང་གངས་ཅན་པ།

དབུས་གཙང་ཡུལ་ན་ཆོས་སྲིད་གཡུ་མཚོ་འཕྱུར། ། ཨ་མདོའི་ཡུལ་ན་རིག་གནས་ཉི་འོད་འབར།     ། ཁམས་པའི་ཡུལ་ན་དཔལ་འབྱོར་འཕེལ་ཁ་དར། ། སེམས་པའི་ཨ་ལོང་སྦྲེལ་དང་གངས་ཅན་པ།  །

མི་ཤིགས་སྙིང་གི་རི་མོ། 

མཐའ་ཀླས་བདེར་གཤེགས་གསང་གསུམ་བསྡུས་པའི་གར། ། བསྟན་འགྲོའི་ལེགས་ཚོགས་སྤེལ་པའི་སྐུར་བཞེངས་པ།། བཞད་པའི་རྡོ་རྗེའི་འཕྲིན་ལས་ཉི་འོད་འབུམ།  ། སྡེ་འདིའི་དཔལ་དུ་ཡུན་རིང་འབར་གྱུར་ཅིག  །

བླ་མ་དྲན་པའི་གདུང་འབོད།

ཟབ་བརླིང་མང་ཐོས་རིག་པའི་ནོར་གྱིས་ཕྱུག   ། ཆོས་འདུལ་བཅས་མཚམས་ཕྲ་རགས་སྲོག་བཞིན་གཅེས༎ སྐལ་ལྡན་ཁྲི་འབུམ་སྐྱོང་བའི་ཡབ་གཅིག་རྗེ།   ། བསྟན་པའི་ཀ་ཆེན་དཔལ་ལྡན་བླ་མ་རྒྱལ།   །

བྲེ་སེར་འབྲོང་གི་རྭ་རྩེད།

ཕྱི་ནང་ཁ་ཆར་ཙག་སེར་གདོང་གིས་བསུ་ཞིང་། ། ལྷན་སྐྱེས་རྭ་རྩེ་རྣོན་པོ་བྲག་ལ་བརྡར་བའི།  ། རྩལ་སྟོབས་གཤིས་སུ་རྫོགས་པའི་བྲེ་སེར་འབྲོང་རྒོད། ། གངས་བྲག་གཡའ་སྤང་རི་ཡི་མུ་ཏིག་རྡོག་གཅིག  །

ཆུ་གཙང་བོར་གསེར་ཟམ་སུམ་སྒྲིག་འཐེན།  

  སྔོན་བསྐལ་བ་ཡག་གི་དུས་ཚོད་ལ།  ། བོད་གངས་ལྗོངས་དག་པའི་ཞིང་ཁམས་ཡིན།  ། ཤྭ་དགོ་བ་བརྒྱ་གཤར་སྟོང་གཤར་ཡིན། ། སྟག་དོམ་དྲེད་སོས་དལ་བག་ཕེབས་ཡིན།  །

ངེས་དོན་ཆོས་ཀྱི་རྒྱལ་བོ།

ལྷུན་གྲུབ་དཔལ་སྟུག་ཞིང་ལས་གཡོ་མེད་འཕྲིན་ལས་འཇིག་རྟེན་ཀུན་ལ་འཇུག ། ཚད་མེད་བརྩེ་བའི་གཞན་དབང་ལ་སོང་ལུང་རྟོགས་བསྟན་པའི་གསོས་སུ་བཞེངས།། བློ་ཆེན་རྒྱལ་བའི་གདུང་འཚོབ་གཅིག་བུ་སྐལ་བཟང་བྱེ་བའི་ས་མཁན་མཆོག ། མཁས་གྲུབ་རྒྱ་མཚོའི་ཏོག་ཏུ་ཉེར་མཛེས་ཁྱབ་བདག་དང་བོའི་མགོན་པོ་རྒྱལ ། །

  གློ་བུར་བའི་མིག་ཆུ།

གངས་རིའི་འདབས་ནས་འཁྲུངས་པའི་གདོང་དམར་བ།། རྩོད་མེད་ལུང་གིས་ཟིན་པའི་ཡང་སྤྲུལ་བ།། མདོ་སྔགས་གཞུང་ལ་བརྩོན་པའི་སློབ་གཉེར་བ།། ཕྱོགས་མེད་རྒྱལ་ཁམས་མྱུལ་བའི་ཉམས་མྱོང་བ།།

གསལ་ལེར་འཛུམ་པའི་སེམས།

བསམ་པ་བཟང་བོ་གསེར་དང་འདྲ་བ་སྟེ། ། གསེར་གྱི་རང་མདངས་ནམ་ཡང་འགྱུར་བ་མེད། ། གཞན་ཕན་ལས་དག་དཔག་བསམ་ལྗོན་བཟང་ཉིད། ། འདི་ཕྱིའི་དགོས་འདོད་འབྲས་བུ་གཡུར་དུ་ཟ། །